Teagmhas Cibearshlándála: Do Cheisteanna

Nóta: Tá an leathanach seo á nuashonrú go leanúnach chun an t-eolas is déanaí a léiriú. Foilsíodh an leathanach seo den chéad uair an 17 Nollaig 2025, agus rinneadh é a nuashonrú an 19 Nollaig, an 22 Nollaig, an 6 Eanáir agus an 19 Eanáir.

C. Cad a tharla?

Ar an Déardaoin, an 11 Nollaig 2025, rinneadh ionsaí cibearshlándála randamach ar chuid de chórais TF Oifig an Choimisinéara Faisnéise.

Mar réamhchúram, cuireadh roinnt córas as líne i dtús báire chun an bhagairt a choinneáil faoi smacht fad a bhí an teagmhas á fhiosrú. Tá córais nár cuireadh isteach orthu ag an ionsaí ar líne arís anois, agus táimid ag obair go dian chun gnáthsheirbhís a athbhunú ina hiomláine.

C. Ar tógadh mo shonraí?

Bunaithe ar imscrúduithe fairsinge, lena n-áirítear imscrúduithe fóiréinseacha, agus ar an eolas ar fad atá ar fáil dúinn faoi láthair, táimid muiníneach nár tógadh aon sonraí pearsanta. Tá sé mar phríomhthosaíocht againn leanúint ar aghaidh ag cosaint sonraí pearsanta daoine.

C. Cad iad na bearta a glacadh chun mo chuid sonraí a chosaint?

Nuair a tháinig an teagmhas chun solais, ba í ár bpríomhthosaíocht sonraí na ndaoine a bhraitheann ar sheirbhísí Oifige an Choimisinéara Faisnéise a chosaint, agus seirbhísí a athbhunú ar bhealach sábháilte.

Ghníomhachtaigh an Lárionad Náisiúnta Cibearshlándála (LNCS) a phlean freagartha ar theagmhais agus cuireadh monatóireacht fheabhsaithe i bhfeidhm chun tacú le hOifig an Choimisinéara Faisnéise.

Cuireadh an teagmhas in iúl freisin chuig an gCoimisinéir um Chosaint Sonraí agus chuig An Garda Síochána.

Táimid muiníneach anois nár tógadh aon sonraí pearsanta. Mar sin féin, ag céim luath, fuarthas urghaire ón Ard-Chúirt a chuir cosc ar aon fhoilsiú sonraí.

Chun treoir ghinearálta maidir le cosaint sonraí a fháil, féach ar shuíomh gréasáin an Choimisiúin um Chosaint Sonraí . Le haghaidh comhairle ghinearálta maidir le cibearshlándáil, féach ar shuíomh gréasáin an Lárionaid NáisiúntaCibearshlándála . Maidir le ceisteanna a bhaineann le cosaint sonraí an Ombudsman, féach ar ár [external-link https://oic.ie/ga/bailiuchan/6129d-fogra-priobhaideachta/?].

C. An bhfuil rochtain ag na hionsaitheoirí ar an gcóras TF faoi láthair?

Ní hea. Nuair a aimsíodh an teagmhas daingníodh ár gcóras TF chun a chinntiú nach raibh rochtain ag na hionsaitheoirí a thuilleadh.

C. Cad iad na seirbhísí atá buailte?

Faoin 15 Nollaig, bhí gach seirbhís phoiblí curtha ar ais i bhfeidhm.

Mar thoradh ar an ionsaí seo, níl an córas bainistíochta cásanna leictreonach a bhí á úsáid againn chun ár gcuid oibre a chur i gcrích ar fáil a thuilleadh. Ar an drochuair, ciallaíonn sé seo go mbeidh próiseáil cásanna níos faide ná mar is gnách. Tá próisis mhalartacha curtha i bhfeidhm againn chun cásanna a bhainistiú go slán, agus táimid ag obair go dian chun gnáthsheirbhís a athbhunú ina hiomláine. Mar sin féin, tógfaidh sé seo roinnt ama.

Tá ár bhfoireann fós ar fáil chun comhairle a sholáthar agus chun ceisteanna ó chustaiméirí a fhreagairt.

C. An féidir liom iarratas nua a chur faoi bhráid an Choimisinéara Faisnéise?

Is féidir. Más mian leat iarratas nua a chur isteach, bain úsáid as an bhfoirm ghréasáin atá ar fáil ar ár suíomh gréasáin ag www.oic.ie.

Cé gur féidir linn glacadh le hiarratais nua, d’fhéadfadh sé roinnt ama a thógáil ár seirbhísí oibríochtúla a athbhunú. Tabharfar admháil ar d’iarratas. Mar sin féin, tabhair faoi deara go bhféadfadh sé roinnt ama a bheith ann sula mbeimid in ann dul chun cinn a dhéanamh ar do chás.

C. Tá cás agam faoi láthair le hOifig an Choimisinéara Faisnéise. Cad is gá dom a dhéanamh?

Gabhaimid buíochas leat as do chuid foighne agus muid ag déanamh gach iarracht is féidir chun ár seirbhísí a athbhunú ina hiomláine. Níl gá teagmháil a dhéanamh linn ag an gcéim seo. Cuirfear nuashonruithe ar fáil ar shuíomh gréasáin Oifig an Choimisinéara Faisnéise de réir mar a bheidh eolas fíoraithe ar fáil.

Tá ár gcóras ríomhphoist slán. Más mian leat teagmháil a dhéanamh linn, freagair an ríomhphost is déanaí ón Oifig seo má tá cás agat linn.