Bailiúcháin
Déan iarratas ar athbhreithniú
Ó Oifig an Choimisinéara Faisnéise
Foilsithe
An t-eolas is déanaí
Is féidir leat iarratas a chur faoi bhráid OIC má tá an méid seo a leanas fíor:
- Tá iarratas SF déanta agat cheana, lena n-áirítear iarratais ar thaifid a leasú (Alt 9) agus iarratais ar ráitis ar na cúiseanna (Alt 10), agus is mian leat an cinneadh SF a achomharc
- Is tríú páirtí thú ar mian leat agóid a dhéanamh i gcoinne taifead a eisiúint
Déanaimid athbhreithniú ar bhreitheanna a thugann comhlachtaí poiblí faoin Acht um Shaoráil Faisnéise. Áirítear leo sin:
- Diúltú géilleadh do rochtain ar thaifead
- Diúltú géilleadh do rochtain ar chuid de thaifead
- Diúltú géilleadh do rochtain ar thaifead san fhormáid inar iarr tú í (faoin Acht um Shaoráil Faisnéise, féadfaidh tú fótachóip, athscríbhinn nó diosca ríomhaire a iarraidh nó féadfaidh tú a iarraidh go dtabharfaí deis duit doiciméad a iniúchadh)
- Rochtain ar thaifead a iarchur
- Breith maidir le hiarraidh ar fhaisnéis phearsanta a cheartú
- Diúltú cúiseanna a thabhairt le gníomh comhlachta phoiblí a dhéanann difear ábhartha duit
- Breith maidir le táille nó éarlais ar iarr an comhlacht poiblí í
- Breith faoi alt 38 (e.g. i gcás go gcinnfidh údarás poiblí faisnéis atá íogair ó thaobh na tráchtála de a eisiúint chuig tríú páirtí ar mhaithe le leas an phobail)
- Breith chun an teorainn ama don bhreith ón údarás poiblí a fhadú
- Cinntigh gur iarr tú ar an gcomhlacht poiblí a rinne an cinneadh maidir le d'iarratas SF athbhreithniú inmheánach a dhéanamh laistigh de cheithre seachtaine ón gcinneadh bunaidh a dhéanamh
- Tá trí seachtaine ag an gcomhlacht poiblí chun a athbhreithniú inmheánach a chríochnú agus chun cinneadh nua a sheoladh chugat. Déanfaidh ball foirne níos sinsearaí an t-athbhreithniú inmheánach. Mura bhfreagraíonn comhlacht poiblí d'iarratas SF nó d'iarratas ar athbhreithniú inmheánach laistigh den tréimhse ama riachtanach, glactar leis mar "diúltú measta". Is féidir leat iarratas ar athbhreithniú a sheoladh chugainn
I bhformhór na gcásanna, ní ghlacfaimid le hiarratas ar athbhreithniú ach amháin tar éis Athbhreithniú Inmheánach a chríochnú. Déanfar eisceacht sna cásanna seo a leanas:
- Thug Ceann an chomhlachta phoiblí an bhreith bhunaidh
- Chuaigh an comhlacht poiblí i gcomhairle le tríú páirtí faoi alt 38 agus chinn sé faisnéis atá rúnda, faisnéis atá íogair ó thaobh na tráchtála de nó faisnéis phearsanta a eisiúint ar mhaithe le leas an phobail.
- Rinne an comhlacht poiblí an teorainn ama ar Iarraidh Saorála Faisnéise a fhadú
- Chinn an comhlacht poiblí nach bhfuil feidhm ag an Acht um Shaoráil Faisnéise maidir leis na taifid a d’iarr tú
- Chinn an comhlacht poiblí rochtain ar thaifead a iarchur faoi alt 16
Tríd is tríd, féadfaidh tú iarratas ar athbhreithniú a dhéanamh chugainn laistigh de shé mhí ón mbreith ón gcomhlacht poiblí a fháil. Féadfaimid an teorainn ama a fhadú i gcás go measfaimid go bhfuil forais réasúnacha ann le déanamh amhlaidh.
Ní bheidh ach dhá sheachtain agat chun iarratas a dhéanamh chuig an oifig sna cásanna seo a leanas:
- Tá feidhm ag alt 38 maidir leis an mbreith ón gcomhlacht poiblí, nó
- Chinn an comhlacht poiblí an teorainn ama le haghaidh breithniú a dhéanamh ar an iarraidh saorála faisnéise uait a fhadú
Ar mhaith leat tuilleadh faisnéise a fháil faoin Acht um Shaoráil Faisnéise? Gheobhaidh tú rialacháin, cóid chleachtais agus lámhleabhair ar shuíomh Gréasáin an Láraonaid Bheartais um Shaoráil Faisnéise sa Roinn Caiteachais Phoiblí agus Athchóirithe.
Is ceangailteach le dlí atá an bhreith uainn ar athbhreithniú. Féadfaidh an t-iarratasóir nó an comhlacht poiblí nó páirtí a ndearnadh difear dó achomharc a dhéanamh chuig an Ard-Chúirt ar phonc dlí in aghaidh na breithe uainn.
- D’ainm, do sheoladh, d’uimhir theileafóin, do sheoladh ríomhphoist agus aon sonraí teagmhála eile
- Ainm an chomhlachta phoiblí
- Uimhir thagartha na breithe ón gcomhlacht poiblí (má tá an uimhir sin agat)
- An táille cheart - amharc ar an rannán táillí
- Faisnéis tacaíochta, má chreideann tú nach bhfuil aon táille le híoc agat nó go bhfuil táille laghdaithe le híoc agat
- Sonraí faoi na codanna den bhreith ón gcomhlacht poiblí nach bhfuil tú sásta leo agus go bhfuil tú ag iarraidh orainn athbhreithniú a dhéanamh orthu
Má tá táille le híoc, ní féidir linn glacadh le d'iarratas nó é a phróiseáil go dtí go n-íocann tú an táille.
Maidir le hiarratais ar líne, is féidir leat an táille a íoc nuair a bhíonn an fhoirm iarratais líonta agat.
Maidir le hiarratais tríd an bpost, is féidir táillí a íoc i bhfoirm seic/dréacht bainc/ordú post, crosáilte agus iníoctha le hOifig an Choimisinéara Faisnéise. Is féidir leat táillí a íoc trí chuairt a thabhairt ar an Oifig idir 9.15am - 5pm, Luan go hAoine. Ná seol airgead tirim tríd an bpost.
Seiceáil an tábla seo a leanas chun a fheiceáil cé acu ba cheart nó nár cheart duit táille a íoc:
- Rochtain ar thaifead pearsanta a bhaineann leat: Gan Táille
- Leasú ar thaifid (alt 9 den Acht um Shaoráil Faisnéise): Gan Táille
- Ráiteas maidir le cúiseanna (alt 10 den Acht um Shaoráil Faisnéise): Gan Táille
- Achomharc in aghaidh breithe a thug comhlacht poiblí táille a ghearradh
Tabhair faoi deara: D’fhéadfaí táillí a ghearradh as cuardach le haghaidh taifead is ábhar d’iarraidh saorála faisnéise agus iad a aisghabháil agus/nó a chóipeáil: Gan Táille
- Iarraidh a bhfuil feidhm ag alt 37(8) den Acht um Shaoráil Faisnéise maidir léi: Gan Táille
- Rochtain ar thaifead neamhphearsanta: €50
- Rochtain ar thaifead neamhphearsanta ag duine a shealbhaíonn cárta leighis Éireannach nó ag cleithiúnaí le duine a shealbhaíonn cárta leighis. Tabhair faoi deara: Beidh fótachóip den chárta leighis ag teastáil uainn: €15
- Tríú páirtithe atá ag achomharc in aghaidh breithe a thug comhlacht poiblí a bhfaisnéis a eisiúint ar mhaithe le leas an phobail (alt 38 den Acht um Shaoráil Faisnéise): €15
Molaimid do dhaoine ár bhfoirm iarratais ar líne a úsáid. Is é sin an bealach is éasca agus is tapa chun an fhoirm a chomhlánú.
Priontáil an fhoirm iarratais thíos agus líon isteach.
Cuir an fhoirm chomhlánaithe sa phost nó seachaid í chuig an seoladh seo a leanas: 6 Ardán Phort an Iarla, Baile Átha Cliath 2, D02 W773
Déanann an Coimisinéir Faisnéise athbhreithniú ar chinntí SF.
- Má theastaíonn eolas agus acmhainní maidir le saoráil faisnéise uait, b'fhéidir gur mhaith leat teagmháil a dhéanamh le Láraonad Beartais Saorála Faisnéise na Roinne Caiteachais Phoiblí agus Athchóirithe
- Is féidir ábhair imní maidir le hiarratais nó sáruithe rochtana Cosanta Sonraí a chur faoi bhráid an Choimisinéara um Chosaint Sonraí
- B'fhéidir go mbeadh ar Oifig an Ombudsman déileáil le gearáin maidir leis an tslí ar dhéileáil comhlacht poiblí leat
- Ní féidir linn comhairle dlí a chur ar fáil. Má theastaíonn comhairle dlí uait b'fhéidir gur mhaith leat dul i gcomhairle le haturnae
An Láraonad Beartais um Shaoráil Faisnéise
Seoladh:
An Roinn Caiteachais Phoiblí, Seachadta ar an bPlean Forbartha Náisiúnta agus Athchóirithe, Floor 3, 7-9 Merrion Row
, Dublin 2
, DO2 V223
Suíomh gréasáin:
Ríomhphost:
Uimhir theileafóin:
Coimisinéir um Chosaint Sonraí
Seoladh:
Canal House, Station Road
, Portarlington, Co Laois
, R32 AP23
Suíomh gréasáin:
Ríomhphost:
Uimhir theileafóin:
Oifig an Ombudsman
Seoladh:
6 Earlsfort Terrace
, Dublin 2
, D02 W773
Suíomh gréasáin:
Uimhir theileafóin: